O conto introdúcenos na vida do pequeno Ignacio a quen, a pesar de ter motivos para estar triste, nunca lle desaparece o sorriso do rostro grazas ás incribles historias que lle conta o seu avó. Así, o neno non para de soñar con mundos tan fantásticos como o país de Nuba, no que os habitantes sempre están contentos. Pero, por desgraza, a esta terra da risa xurdiulle un inimigo: o Señor do Ruido, quen ameaza con acabar coa felicidade do reino por sempre xamais.